ਗੁਲਾਬ ਚੰਦ ਸਰੋਤ : ਸਿੱਖ ਪੰਥ ਵਿਸ਼ਵਕੋਸ਼, ਗੁਰ ਰਤਨ ਪਬਲਿਸ਼ਰਜ਼, ਪਟਿਆਲਾ।

ਗੁਲਾਬ ਚੰਦ: ਗੁਰੂ ਹਰਿਗੋਬਿੰਦ ਜੀ ਦੀ ਸੁਪੁੱਤਰੀ ਬੀਬੀ ਵੀਰੋ ਦਾ ਪੁੱਤਰ , ਜੋ ਗੁਰੂ ਗੋਬਿੰਦ ਸਿੰਘ ਜੀ ਦਾ ਰਿਸ਼ਤੇ ਵਜੋਂ ਭੂਆ ਦਾ ਪੁੱਤਰ, ਭਰਾ ਲਗਦਾ ਸੀ। ਇਹ ਭੰਗਾਣੀ ਦੇ ਯੁੱਧ ਵਿਚ ਖ਼ੂਬ ਲੜਿਆ। ਵੇਖੋ ‘ਸੰਗੋ ਸ਼ਾਹ ’।

ਗੁਲਾਬ ਚੰਦ ਸਰੋਤ : ਸਿੱਖ ਧਰਮ ਵਿਸ਼ਵਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਗੁਲਾਬ ਚੰਦ: ਪੰਜਾਬ ਦੇ ਫ਼ਰੀਦਕੋਟ ਜ਼ਿਲੇ ਦੇ ਪਿੰਡ ਮੱਲਾ ਦੇ ਭਾਈ ਸਾਧੂ ਅਤੇ ਗੁਰੂ ਹਰਿਗੋਬਿੰਦ (1595-1644) ਦੀ ਸੁਪੁੱਤਰੀ ਬੀਬੀ ਵੀਰੋ ਦੇ ਸੁਪੁੱਤਰ ਸਨ। ਇਹ ਆਪਣੇ ਚਾਰ ਭਰਾਵਾਂ ਸਮੇਤ ਭੰਗਾਣੀ ਦੇ ਯੁੱਧ (18 ਸਤੰਬਰ 1688) ਵਿਚ ਲੜੇ ਸਨ, ਜੋ ਅਜੋਕੇ ਹਿਮਾਚਲ ਪ੍ਰਦੇਸ਼ ਵਿਚ ਪਾਉਂਟਾ ਨੇੜੇ ਹੈ। ਇਸ ਯੁੱਧ ਵਿਚ ਇਹਨਾਂ ਦੇ ਦੋ ਭਰਾ ਸੰਗ੍ਰਾਮ ਸ਼ਾਹ ਅਤੇ ਜੀਤ ਮੱਲ ਮਾਰੇ ਗਏ ਸਨ। ਗੁਰੂ ਗੋਬਿੰਦ ਸਿੰਘ ਯੁੱਧ ਦਾ ਵਰਨਨ ਕਰਦੇ ਹੋਏ ਆਪਣੀ ਕਾਵਿ ਰਚਨਾ ਬਚਿਤ੍ਰ ਨਾਟਕ ਵਿਚ ਗੁਲਾਬ ਚੰਦ ਨੂੰ ਸ਼ਕਤੀਸ਼ਾਲੀ ਯੋਧਾ ਵੱਜੋਂ ਬਿਆਨ ਕਰਦੇ ਹੋਏ ਲਿਖਦੇ ਹਨ ਕਿ “ਜਿਸਦਾ ਚਿਹਰਾ ਮੈਦਾਨੇ-ਜੰਗ ਦੇ ਵਿਚ ਲੜਾਈ ਵਿਚ ਸ਼ਾਮਲ ਹੋਣ ਦੀ ਸੰਭਾਵਨਾ ਨਾਲ ਹੀ ਚਮਕ ਪੈਂਦਾ ਸੀ ।”